اخباریات

ورڈپریس 3۔3 [نواں آیا اے سوہنیاں!]

2

ورڈپریس کا نیا ورژن ورڈپریس 3۔3 دو روز قبل 12 دسمبر کو جاری کر دیا گیا ہے۔ اس نئے ورژن کو ”سنی“ (Sonny) کا کوڈ نیم دیا گیا۔ سیلف ہوسٹڈ ( Self Hosted) بلاگز اور ورڈپریس سائیٹس کے ڈیش بورڈ میں آٹومیٹک اپڈیٹ کا آپشن موجود ہے، جہاں سے نئے ورژن پہ منتقلی نہایت آسانی سے کی جا سکتی ہے۔ بیک اپ کرنا مت بھولئے گا!!
اس نئے ورژن پہ کئی ماہ سے کام ہو رہا تھا اور پچھلے دنوں کئی ایک ریلیز امیدواران جاری گئے تھے جو کہ ڈویلپرز اور پروگرامرز کیلئے تھے۔ اسی حوالے سے کئی ویب سائیٹس پہ اس کی دھوم مچی ہوئی تھی اور اس کے نئے فیچرز پہ بحث کی جا رہی تھی۔ اب یہ آ گیا ہے تو دیکھ لیتے ہیں کہ کیا کیا نیا پیش کیا گیا ہے اس دفعہ۔۔۔[مکمل تحریر پڑھیں]

ISI Tattoo

17

ISI Tattoo “جو بھی ہوتا ہے اس کے پیچھے آئی ایس آئی کا ہاتھ ہوتا ہے” ۔ اب پتا چلا یہ کس ہاتھ کی بات ہو رہی تھی۔ اگر آئی ایس آئی والا ہاتھ نہ ہوتا تو پھر کیا ہوتا!؟۔
اس پھر کا پتا لگانے کیلئے رخ کرتے ہیں ‘جناب ملوانا مفت-ہی صاحب’ سے، جی مفت ہی صاحب آپ ہاتھ کے پیچھے والے ‘حالات’ کے بارے میں کیا کہنا چاہیں گے؟
دیکھیں جی، اپنی عزت اپنے ہاتھ میں ہوتی ہے اور حالات کے پیچھے اور آلات کے آگے والے ہاتھ کے ہاتھ میں جو عزت ہوتی ہے وہ نظریں جھکانے اور ‘انگلیاں’ اٹھانے کا باعث بن سکتی ہے۔
[مکمل تحریر پڑھیں]

9

آجکل انٹرنیٹ پہ آپ کیسے ہی فورم پہ کیوں نہ ہوں، کوئی نہ کوئی متعلقہ وکی لیک نظر آ ہی جاتی ہے۔ حالیہ وکی لیکس  کی اہم اہم اور ضروری باتیں تو آپ کو پتا ہی ہوں گی۔ جیسے سیاسی پارٹیوں کے خفیہ دورے، چھپ چھپ کے ہونے والی ملاقاتیں، امریکہ کے نزدیک کون مشہور بندہ ہے اور کون فضول ہے، امریکہ پاکستان کی رضامندی سے ‘ڈرون’ مارتا ہے، ایران ‘چوّل’ ہے،  فوج اچھی ہے، پاکستانی یہ چاہتے ہیں، امریکہ وہ چاہتا ہے، کراچی کیا چاہتا ہے، لاہور  کیوں چاہتا ہے،  وغیرہ وغیرہ۔۔۔

[مکمل تحریر پڑھیں]

گوگل (ایس ایس ایل)

3

کیا آپ یہ سمجھ رہے ہیں کہ میں نے ‘پاء گوگے’ سے کوئی پیسے ویسے یا ‘ایسے ویسے’ لئے ہیں مشہوری کیلئے۔۔۔ تو ایسی کوئی بات نہیں ہے جی!۔ یہ تو بس ویلے پن کے کھیل ہیں سارے۔

خیر، چلئے موضوع کی طرف تو بات یہ ہے کہ

کئی دن سے میں نوٹ کر رہا تھا کہ جب سے میں نے گوگل کروم باقاعدگی سے استعمال کرنا شروع کیا اس وقت سےگوگل کا مین پیج ذرا بدلا بدلا سا نظر آتا ہے اور گوگل کے لوگو کے اوپر “ایس ایس ایل”(SSL) اور ایک ننھا سا تالہ بنا ہوا ہے۔ ایس ایس ایل یعنی ‘ سیکیور ساکٹ لیئر'(Secure Socket Layer) بولے تو ایک ‘گوگلی سلیمانی چادر’۔۔

گوگل کی یہ محفوظ تلاش سروس پچھلے سال غالباً مئی میں شروع کی گئی تھی لیکن میرا پچھلے ہفتے ہی اس سے واسطہ پڑا ہے، اور پہلے پہل کوئی ایسا خاص اچھا تاثر نہیں تھا کیونکہ مجھے براؤزر کھولنے کے بعد گوگل پہ آ کے اپنا جی میل اکاؤنٹ کھولنے کیلئے ایک عدد کلک زیادہ کرنی پڑتی تھی (سادہ گوگل ڈاٹ کام پہ جانے کیلئے)۔۔۔ اندازہ لگائیے اس تیز رفتار دور میں ایک ایک کلک سے کتنا فرق پڑ سکتا ہے۔

[مکمل تحریر پڑھیں]

15

کل میں نے سائنس کی دنیا پہ گوگل پلس (Google +)کا تعارف دیکھا، اور آج میں شازل کی دعوت پہ  گوگل پلس پہ موجود ہوں!۔

کیا ہے ایسا جو  انٹرنیٹ پہ گوگل پلس کے بارے میں اتنی ایکسائٹمنٹ بڑھا رہا ہے؟

سوشل نیٹ ورکنگ میں گوگل کی پے در پے ناکامی۔۔۔۔۔ اس سے پہلے بھی گوگل نے کوشش کی کہ جس طرح وہ دیگر خدمات میں آگے جا رہا ہے، اسی طرح سماجی رابطہ بندی میں نمایاں ہو سکے۔ اس کیلئے گوگل بَز کا فیچر جی-میل میں ہی متعرف کرایا گیا، اور میرے نزدیک کوئی خاص کامیابی نہ حاصل کر سکا۔ کچھ ایسا تھا ہی نہیں جو اس کو باقی موجودہ سروسز میں ممتاز کرتا (بالکل بور تھا، ٹویٹر ہی لگتا تھا ایک طرح کا۔۔۔ بلکہ ہے! )۔   خاص کر فیس بک اور ٹویٹر کے  سامنے کچھ بھی نہ تھا۔ مزید بھی کچھ شوشے چھوڑے تھے گوگل نے جو کہ میرے جیسے بندے نے تو استعمالے بھی نہیں۔

ظاہر ہے ایسے میں، گوگل نے کوئی خاص چیز کے ساتھ ہی واپس آنا تھا ویب-ٹو کی مارکیٹ میں۔۔۔اور لگتا ہے اس دفعہ گوگل کی نکل پڑے گی۔ :)۔

ابھی گوگل پلس ٹیسٹنگ کے مرحلے میں ہے اور صرف دعوت ناموں کے ذریعے ہی شمولیت ہو سکتی ہے اور اس پر بھی

اچھا خاصا “بز” کریئٹ کر دیا ہے گوگل نے انٹرنیٹ پہ۔۔۔۔ یہ ہے مارکیٹنگ!۔

[مکمل تحریر پڑھیں]

10

مجھے تو کچھ کہتے ہوئے، کچھ لکھتے ہوئے بھی شرم آ رہی ہے۔
ابھی دو تین دن پہلے ہاسٹل میں ٹی وی پہ یہ خبر دیکھی کہ سیالکوٹ میں مشتعل افراد نے دو ڈاکوؤں کو پکڑ کر پولیس کی موجودگی میں موت کے گھاٹ اتار دیا۔۔۔۔۔۔۔ اچھا کیا، یہی ہونا چاہیئے ان کے ساتھ۔۔۔۔۔ یہ وہ الفاظ تھے جو میرے ایک فاضل ساتھی نے کھانا کھاتے ہوئے کہے تھے۔ میں بھی چونکہ پاکستانی ہوں اس لئے میں نے ہجوم کے باقی افراد کی طرح خاموشی پہ ہی اکتفا کیا تھا۔
سیلاب کی خبریں۔۔۔۔ ہزاروں لوگ مر گئے، بہہ گئے۔۔۔۔ کروڑوں بے گھر ہو گئے، مزید پتا نہیں کتنے ہوں گے۔۔۔۔۔۔۔۔۔ اچھا ہوا، یہی ہونا چاہئے ان کے ساتھ ۔۔۔۔۔۔۔۔۔۔ کہیں نہ کہیں سے تو یہ آواز بھی آئی ہی ہو گی!
وہ تو ہمیں پتا چل گیا کہ او ہو! چچ چچ، وہ تو بے گناہ تھے۔۔۔۔ ایویں ہی ڈنڈے برسا برسا کر مار دیا انہیں۔
ورنہ تو سارے رمضان کی برکتوں اور رحمتوں میں جھوم جھوم رہے تھے۔ بھئی جب قانون کے رکھوالے وہاں بر وقت کاروائی پہ پہنچ گئے تھے اور آن سپاٹ جسٹس کے مطابق فیصلہ دے چکے تھے کہ وہ ڈاکو ہیں تو کسی کو کیا ضرورت ہے کہ وہ بولے بیچ میں۔۔۔ جب پتا چل جائے کہ کوئی مجرم ہے تو جج عدالت وکیل کیا کرنے، وہیں شور مچاؤ، مومنین کی ایک جماعت گواہ بناؤ، اور چوری کی سزا کیا کرنی، جو جس کے دل میں آئے سزا دے دو۔۔۔۔۔
یہ صرف ہمیں آئینہ دکھایا گیا ہے، کوئی پہلی دفعہ نہیں ہوا یہ سب، کتنے ہی “مجرموں” کو سر عام زندہ جلا دیا گیا ہے، کئی ڈاکوؤں کو مشتعل ہجوم کھڑے کھڑے مار چکا ہے۔ ان دو معصوموں کی مبینہ بے گناہی اس لئے سامنے آئی ہے تاکہ یہ جو شکوہ کرتے ہیں نا کہ صدی کا بد ترین سیلاب ہم ’مسلمانوں‘ پر ہی کیوں آیا۔۔۔۔ گریبان میں جھانک لیں۔
اور کیا لکھنا اس پر۔۔۔۔۔۔ میں تو ویڈیو پہ کلک بھی نہیں کر سکا۔۔۔۔ پہلے ہی دل سے خیال نہیں جا رہا۔ میں تو دعاؤں میں کثرت سے “رب اغفر والرحم انت خیر الراحمین” مانگتا ہوں،اگر اپنی بے حسی کی انتہا کی ویڈیو دیکھ لی تو جو لبوں سے بُڑ بُڑ نکلتی ہے وہ بھی جاتی رہے گی۔ ارے! تمہیں خدا سے رحم مانگتے شرم نہیں آتی!

بچے جمورے کی ’وِکی لیکس‘

16

بچہ جمورا؟
جی استاد!
آنکھیں بند؟
جی استاد!
کیا دیکھا؟
سب کچھ استاد!
بول دے!
نہیں استاد۔۔۔۔
کیوں بچہ جمورا؟
پھوٹ جائے گا۔۔۔
کیا؟
پھانڈا۔۔۔۔۔؟
کس کا؟
سب کا۔۔۔۔۔۔۔۔۔ جی ہاں، سب کا پھانڈا پھوٹ گیا ہے (کچھ پھانڈے تو تقریباٌپھوٹے ہی پڑے تھے) پانچ دن پہلے شایع ہونے والی خفیہ دستاویزات جو کہ افغان وار ڈائری یا دی وار لاگز کے نام سے منظرِ عام پہ لائی گی ہیں۔ سویڈن میں قائم ایک بین الاقوامی آرگنائزیشن ’وِکی لیکس‘Wikileaks نے 25 جولائی 2010ء کو نمایاں اخبارات The Guardian, New York Times اور DerSpiegel سمیت اپنی ویب سائٹ پر لگ بھگ 91 ہزار دستاویزات کا ایک مجموعہ شایع کیا جس میں جنوری 2004ء سے دسمبر 2009ء تک کی افغان جنگ کی روگزاشت موجود ہے۔ دستاویزات جو کہ ‘secret’ کیٹیگری میں آتی ہیں، مختلف فوجی اور ایجنسیوں کے افسران کی لکھی ہوئی ہیں۔ جن میں امریکی فوج کے ’جنگی جرائم‘، انٹیلیجنس معلومات اور مختلف سیاسی ملاقاتوں اور اسی طرح کی دوسری ’وارداتوں‘ کے احوال درج ہیں۔ بقول وِکی لیکس انتظامیہ کے ابھی تقریباٌ 15000 دستاویزات کی اشاعت روک دی گئی ہے تا کہ متوقع ’تقصان‘ کم سے کم کیا جا سکے۔

ارود وی او اے کے مطابق:

وکی لیکس کے منتظمین اپنے ادارے کے مقاصد کے بارے میں کہتے ہیں کہ وہ لوگوں یا اداروں کی جانب سے فراہم کردہ خفیہ معلومات، پوشیدہ رکھی جانے والی یا حساس دستاویزات ان کے نام پوشیدہ رکھتے ہوئے ، منظر عام پر لانے کا کام کرتے ہیں۔

وکی لیکس کی یہ ’لیک‘ اب تک کی جنگی تاریخ کی سب سے بڑی لیک قرار دی جا رہی ہے جبکہ جنگ ابھی بھی جاری ہے۔ جہاں ان دستاویزات سے امریکہ کیلئے کئی سوالیہ نشان اٹھائے گئے وہیں اس میں پاکستان کے اعلیٰ حکام کی القائدہ اور طالبان سے ملاقاتوں اور ان کی طرف سے طالبان کی حمایت بھی ان میں بیان کی گئی ہے۔ جہاں تک ان دستاویزات کی تصدیق کا تعلق ہے تو اس کی کوئی گارنٹی نہیں اور فراہم کرنے والے کا نام ظاہر نہیں کیا جاتا۔ لیکن وکی لیکس کے مطابق ان کے پاس ایسے کئی رضا کار ہیں جو کئی ممالک میں ان کیلئے دستاویزات اور خبروں کی تصدیق کا کام سر انجام دیتے ہیں۔
وکیپیڈیا کے مطابق ان دستاویزات میں سینکڑوں کی تعداد میں ہونے والی سویلین ہلاکتوں کا انکشاف کیا گیا ہے جو امریکی فوج نے افغان جنگ کے دوران کیں۔ جن میں شہری آبادی پر فضائی حملوں سے لیکر غیر مسلح عوام پر بے دریغ گولیاں برسانے کے انکشافات کئے گئے ہیں۔ دستاویزات میں کئی غیر شایع شدہ یا جانبدارانہ انداز میں لکھی گئی ملٹری رپورٹس کا بھی ذکر ہے۔
پاکستان کی آئی ایس آئی کے سابق چیف حمید گل کی طالبان سے ملاقاتوں اور ان کی طالبان کی حمایت کی رپورٹس پاک-امریکہ تعالقات پہ سوالیہ نشان بن گئے ہیں۔ (جنہیں اوبامہ حکومت نے ان الفاظ میں رد کر دیا ہے۔۔۔۔۔۔۔۔ یہ ہوتا ہے سچا پیار!)
ایران اور شمالی کوریا کو بھی اس لیک میں رگڑا گیا ہے۔ نیو یارک ٹائمز کے مطابق فی الحال ان دستاویزات میں اور امریکی فوج کی سرکاری دستاویزات میں کوئی نمایاں فرق نہیں پایا جاتا، ہاں، بعض رپورٹس میں سرکاری اعداد و شمار مشکوک نظر آتے ہیں۔

(یہ مضمون لکھنے کا بنیادی مقصد یہ بتانا ہے کہ میں نے آج ہی اس بارے میں پڑھا ہے :) ۔ اور سوچا کہ چلو بلاگ کی نذر بھی کر دوں۔ )