SEO

16

ایک مشہور انگریزی بلاگر (نام لکھنا یا نہ لکھنا برابر ہے، اگر لکھا بھی تو کونسا صحیح پڑھا جائے گا۔۔۔۔ لیکن پھربھی میں لکھ دیتا ہوں) ڈیرن راؤس اپنی ایک ورتھ ریڈنگ تحریر میں فرماتے ہیں:

آپکا بلاگ آپکے muscles کی طرح ہے، انہیں ’بنانے‘ یعنی مضبوط کرنے کیلئے انہیں استعمال کرنا ضروری ہے۔

ڈیرن بھائی صاحب کی یہ بات جو میں نے اوپر ’اقتباسی‘ ہے ، یہ قابلِ توجہ ہے کیونکہ یہ وہ حقیقت ہے جو ہم سب بھی جانتے ہیں کہ بلاگ اسی صورت میں پھلتا پھولتا ہے جب آپ اس کو وقت دیتے ہیں، اس کی آبیاری کرتے ہیں، اس پہ لکھتے ہیں۔ انٹرنیٹ پہ اور خاص طور پہ اردو بلاگستان میں ایسی کئی سائیٹس موجود ہیں جو وقتا فوقتا جمود کا شکار رہتی ہیں ( بشمول میرے اپنے بلاگ کے)، ان بلاگز پہ اچھا مواد بھی ہوتا ہے، ان کی تحاریر قاری شوق سے پڑھتے بھی ہیں، شیئر بھی کرتے ہیں لیکن پھر بھی انٹرنیٹ کی دنیا میں یہ کامیاب سائیٹس نہیں گنی جا سکتیں۔[مکمل تحریر پڑھیں]

بلاگی اعداد و شمار

11

2011ء میں مجھے بلاگنگ کی دنیا میں باقاعدہ لکھتے ہوئے دو سال ہو گئے ہیں۔ میری پہلی تحریر میرے سابقہ بلاگ پہ جنوری 2009ء میں شائع ہوئی۔ ایک سال بلاگسپاٹ ڈاٹ کام پہ گزارنے کے بعد میں فری ڈومین پہ آ گیا۔ یہاں بھی ایک سال ہو گیا اور اب فری ڈومین کی “فری نیس” بھی آج گئی کہ کل۔۔۔
اس ڈومین کو میں نے گوگل اینالیٹکس میں رجسٹر کروایا تھا، جو ایک مفصل رپورٹ با قاعدگی سے بھیجتا رہتا ہے۔ اس سے آپ کو اپنے بلاگ کی ٹریفک، مشہوری، مشہور تحاریر یا زیادہ دیکھی جانے والی تحاریر یا صفحات کا پتا چلتا رہتا ہے۔ اس کے علاوہ ٹریفک بھیجنے والے ذرائع، ممالک اور اسی طرح کی دوسری باتیں بھی پتا چلتی ہیں۔ یوں تو ایسی کوئی خاص بات نہیں ہے جس پہ میں ‘شیخیاں’ بھگار سکوں لیکن بس ویسے ہی کچھ مختصر مختصر سے اعداد و شمار پیشِ خدمت

کئے دیتا ہوں۔ : )

>> یہ اعداد و شمار پچھلے ایک سال یعنی جون 2010 سے جولائی 2011 تک کے ہیں۔

>> بلاگ پہ حاضریوں کی کُل تعداد = 1871
صفحات دیکھے گئے = 3457 مرتبہ
ان وزیٹرز کی 63 فیصد تعداد نئے لوگوں پہ مشتمل ہے جبکہ باقی پرانے پڑھنے والے ہیں۔
مزید پڑھنے کیلئے اگلے صفحے پہ جائیں۔۔۔

گوگل (ایس ایس ایل)

3

کیا آپ یہ سمجھ رہے ہیں کہ میں نے ‘پاء گوگے’ سے کوئی پیسے ویسے یا ‘ایسے ویسے’ لئے ہیں مشہوری کیلئے۔۔۔ تو ایسی کوئی بات نہیں ہے جی!۔ یہ تو بس ویلے پن کے کھیل ہیں سارے۔

خیر، چلئے موضوع کی طرف تو بات یہ ہے کہ

کئی دن سے میں نوٹ کر رہا تھا کہ جب سے میں نے گوگل کروم باقاعدگی سے استعمال کرنا شروع کیا اس وقت سےگوگل کا مین پیج ذرا بدلا بدلا سا نظر آتا ہے اور گوگل کے لوگو کے اوپر “ایس ایس ایل”(SSL) اور ایک ننھا سا تالہ بنا ہوا ہے۔ ایس ایس ایل یعنی ‘ سیکیور ساکٹ لیئر'(Secure Socket Layer) بولے تو ایک ‘گوگلی سلیمانی چادر’۔۔

گوگل کی یہ محفوظ تلاش سروس پچھلے سال غالباً مئی میں شروع کی گئی تھی لیکن میرا پچھلے ہفتے ہی اس سے واسطہ پڑا ہے، اور پہلے پہل کوئی ایسا خاص اچھا تاثر نہیں تھا کیونکہ مجھے براؤزر کھولنے کے بعد گوگل پہ آ کے اپنا جی میل اکاؤنٹ کھولنے کیلئے ایک عدد کلک زیادہ کرنی پڑتی تھی (سادہ گوگل ڈاٹ کام پہ جانے کیلئے)۔۔۔ اندازہ لگائیے اس تیز رفتار دور میں ایک ایک کلک سے کتنا فرق پڑ سکتا ہے۔

[مکمل تحریر پڑھیں]