اس کام میں عمار بھائی نے میری بہت مدد کی ہے جس کیلئے میں نہایت مشکور ہوں۔
اب جبکہ یہ کام مکمل ہو گیا ہے گو کہ اس میں کچھ کمیاں اور کوتاہیاں باقی ہیں لیکن میں نے فی الحال ان کو خاطر میں نہیں لایا اور سب ٹائیٹلز کو اپلوڈ کر دیا ہے، میں نے اپنے گھر میں اور چند ایک دوستوں کو بتایا تو ایک ہی سوال میرا منتظر تھا “اس سے تمہیں کیا فائدہ ہو ا؟”۔۔۔۔۔۔۔ یا ” اس سے تمہیں کیا ملے گا؟”۔۔۔۔۔” اتنا وقت ضایع کیا، کچھ اور ہی کر لیتے!”۔۔۔۔۔۔
مجھے ان سوالوں کا جواب نہیں پتا۔۔۔۔ آپ بتائیے!۔۔۔
خیر یہ تو بس ویسے ہی میں نے بر سبیل التذکرہ لکھ دیا ہے۔۔۔
فلم کا تھوڑا سا تعارف میں نے اردو محفل میں لکھا ہے، وہی چھاپ دیتا ہوں:
“یہ فلم ٹام ہینکس کی ہے جو کہ ایک مشہور اکیڈمی ایوارڈ یافتہ اداکار ہیں۔ فلم کے ہدایت کار سٹیون شپیلبرگ ہیں۔
فلم کا مرکزی کردار (ٹام ہینکس) ایک ایسے وقت میں امریکی ہوائی اڈے پر اترتا ہے جب اس کا ملک ‘کراکوژیہ’ اندرونی بغاوت کا شکار ہوتا ہے اور اس کے امریکہ پہنچنے سے پہلے ہی باغی شبخون مار کر حکومت کا تختہ الٹ دیتے ہیں۔ اسے بتایا جاتا ہے کہ اس کے ملک کا وجود اب نہیں رہا، لہذا اس کی شہریت اب مشکوک ہو چکی ہے اسلئے اب اسے نیویارک میں داخلے کی اجازت نہیں مل سکتی۔ اور ملکی حالات کی وجہ سے اسے ڈی پورٹ بھی نہیں کیا جا سکتا۔ اس لئے اسے عارضی طور پہ اسی ہوائی اڈے کے بین الاقوامی لاؤنج میں رکنا ہو گا تاوقتیکہ معاملہ اوکے نہ ہو جائے۔ ایک ایسا شخص جو انگریزی زبان سے نا آشنا ہے، لوگوں کے ہجوم میں تنہا رہ جاتا ہے۔”۔۔۔
مزید معلومات یہاں پہ دیکھی جا سکتی ہیں۔
فلم کی ٹورنٹ فائل یہاں سے اتاری کی جا سکتی ہے اور اردو سب ٹائیٹلز یہاں سے۔
امید ہے یہ کوشش آپ سبکو پسند آئے گی۔
بہت بہت بہت خوب بھائی زبردست
لے بھائی اب ایک دفعہ اور دیکھ لیتا ہوں یہ فلم اردو سب ٹائٹلز کے ساتھ
اس امید پر کہ کچھ زیادہ سمجھ آ جائے گی
😀
بہت شکریہ ریحان۔
دوبارہ دیکھنے کا شکریہ ڈفر۔۔۔
ماشاء اللہ جی، میرا ذکرِ خیر کرنے کا شکریہ 🙂 میں بھی فرصت میں یہ مووی مع سب ٹائٹلز دیکھتا ہوں کیوں کہ اب تک دیکھی نہیں ہے میں نے۔
کام یابی سے کام مکمل کرنے کی مبارک باد۔ واقعی صحیح کہا کہ تکنیکی لحاظ سے یہ اتنا مشکل کام نہیں ہے۔
عمار! آپ اس ڈومین پہ کیسے پہنچ گئے۔۔ا بھی تو میں نے اس کا باقائدہ افتتاح بھی نہیں کیا۔۔۔۔ ابھی تو پوسٹین منتقل کی ہیں۔۔۔ آپ اپنا نام سنتے ہی آ گئے۔۔ یہ پوسٹ تو پچھلے سال کی ہے۔۔۔۔!!
سب سے پہلے تشریف آوری کا شکریہ۔