2012

وائمار، گوئٹے اور میں - حصہ1

5
Goethe-Schiller Monument

وائمار یا ویمر (Weimar) کا نام سنتے ہی ذہن میں ایک دم ایک بجلی سی لپکتی ہے اور دماغ کی بتی جل اٹھتی ہے لیکن دماغ کا کمرہ خالی پا کر پھر سے بجھ جاتی ہے۔ یہ تو تھی میرے دماغ کی کہانی لیکن تاریخ سے واقفیت رکھنے والوں کیلئے یہ نام نیا نہیں ہے۔ وائمار کا نام جرمن تاریخ کا ایک اہم حصہ ہے۔ 1918 میں پہلی جنگِ عظیم کے بعد جرمنی میں بادشاہت کے خاتمے کے ساتھ ہی جمہوری دور کی شروعات ہوئی اور وائمار کے مقام پر پہلا جمہوری دستور قلمبند کیا گیا۔ اسی مناسبت سے اس دور کو وائمار ریپبلک یا جمہوریہ وائمار کا نام دیا جاتا ہے۔ گو کہ یہ جمہوری دور زیادہ طویل نہیں تھا لیکن اس دوران جرمنی میں نمایاں معاشرتی، معاشی اور ثقافتی اصلاحات ہوئیں، جو کہ آنے والے دنوں میں بھی برقرار رہیں۔ انتظامی ڈھانچے، سیاست اور ٹیکس نظام سے لیکر منظم ریلوے اور یکساں کرنسی کا اجراء بھی اسی دور کے اہم سنگِ میل ہیں۔ معاشرتی ترقی کے ساتھ ساتھ سائینس اور ٹیکنالوجی میں بھی یہ دور جرمن قوم کیلئے مثالی حیثیت رکھتا ہے۔
اس دور کا اختتام 1930ء میں ہٹلر کی نازی پارٹی کے بڑھتے ہوئے اثرو وسوخ کے باعث شروع ہوا اور آخر کار 1933ء میں باقاعدہ طور پہ ہٹلر کے تھرڈ رائش کا آغاز ہوا۔[مکمل تحریر پڑھیں]

25

کچھ دن پہلے محترم راجہ افتخار صاحب حلال حرام کا کچھ تذکرہ کر رہے تھے۔ یورپ میں یہ تذکرہ ایسے ہے جیسے پاکستان میں آپ کسی سے یہ پوچھتے ہیں کہ بھائی کیا حال چال ہے، چائے لو گے یا ٹھنڈا؟ یعنی یہ سوال اتنا ہی اہم اور اتنا ہی تواتر سے پوچھا جاتا ہے۔ پاکستان میں تھے تو یہی سوچتے تھے کہ آخر اتنے پاکستانی رہ رہے ہیں، حلال گوشت مل جاتا ہوگا۔ یہاں آکر کچھ مختلف اعداد و شمار پتا چلے۔ پہلے دن ہی بھائی سے سوال کیا کہ مرغی اور گائے کا گوشت حلال ملتا ہے؟ نہیں۔ پاکستانیوں کی دوکانوں پر؟ بولا ضروری نہیں لیکن زیادہ تر! بہرحال پوچھنا بہتر ہوتا ہے۔
دوسرے دن ہم ایک ڈونر کی دوکان پہ گئے۔ ڈونر ترکی شوارمے کو کہہ سکتے ہیں آپ۔ اسی کا دور پار کا کزن ہے۔ عام طور پر ہر شہر میں آپ کو با آسانی ڈونر شاپس مل جائیں گی اور عموما ترکی ، عربی یا پاکستانیوں کی ہی ہوں گی۔[مکمل تحریر پڑھیں]

پی آئیے - پی جائیے

12

پی آئی اے کا کیا قصور اگر کوئی مسافر سو گیا تو؟ ایئر ہوسٹسوں نے ٹھیکا لیا ہوا ہے انہیں جگانے کا۔۔۔؟ کل کو کسی نے کہہ دینا ہے کہ پی آئی اے کے مسافر کا جہاز میں پیشاب خطا ہو گیا۔۔۔ ایئر ہوسٹسوں کی نا اہلی پر سوال؟ ارے بھئی جہاز میں بیٹھنے کا مطلب یہ نہیں کہ دوجہاں سے آزاد ہو کر ساریاں ویاہ کے سو جاؤ![مکمل تحریر پڑھیں]

9

مجھے علامہ صاحب سے ایک سوال کرنا ہے۔
جی جی کیجئے، وہ سن رہے ہیں۔
علامہ صاحب، جیسا کہ آپکو پتا ہوگا کہ دو دن پہلے یورو کپ کا فائینل تھا اور ہسپانیہ اور اطالیہ کی ٹیمیں مد مقابل آئیں، ہسپانیہ نے اطالویوں کو’ آرام‘ سے ہرا دیا۔
فٹبال کے شایقین ظاہر ہے کسی نہ کسی ٹیم کو سپورٹ کر رہے تھے تو کیا ہم اپنی کئی سو سالہ پرانی تاریخ کو دیکھتے ہوئے، ان ہسپانویوں کی جیت پہ خوشی کا اظہار کر سکتے ہیں جنہوں نے استرداد کے نام پہ لاکھوں مسلمانوں کو نکال باہر کیا تھا اور ہزاروں کو مذہب بدلنے پہ مجبور کیا تھا۔۔۔۔؟
میرا دوسرا سوال یہ ہے کہ اگر اوپر والے سوال کا جواب نہیں ہے تو کیا ہم اطالویوں کی شکست اور غیر مسلموں کی آپسی ’لڑائی ‘ پہ تو خوشی کا اظہار کر سکتے ہیں ناں؟؟

5

پتا نہیں کیوں اس شعر کو لکھے بغیر تسلی نہیں ہو رہی۔۔۔۔ اس لئے پیش خدمت ہے ایک شعر جو پتا نہیں کس شاعر کا ہے لیکن کمال ہے۔

سارا ہی شہر اس کے جنازے میں تھا شریک
تنہائیوں کے خوف سے جو شخص مر گیا

17

ایک طویل عرصے کے بعد انگلیوں سے اردو پھسل رہی ہے۔ میرے بلاگ پہ موجود گنتی کی تحاریر میں کوئی ڈیڑھ درجن تو انہی الفاظ سے شروع ہوتی ہیں ” بہت عرصے بعد، کافی دن بعد، کئی ماہ بعد، ایک سال بعد، وغیرہ وغیرہ۔۔۔۔“ اصل میں مَیں اور مجھ جیسے کئی اور اردو بلاگر پارٹ ٹائم بلاگروں کی فہرست میں بھی نہیں فٹ آ سکتے، میں جتنی مرضی کوشش کر لوں تب بھی سال میں کم از کم 6 مہینے میرا بلاگ ”ہائبرنیشن“ (Hibernation) میں گزار دیتا ہے۔ اور جیسے ہی کوئی برساتی یا ترساتی ( برسنا کے برمحل لفظ ترسنا سے ترساتی) موسم آتا ہے تو ڈڈوؤں کی طرح انگلیاں کی بورڈ پہ پھدکنے لگتی ہیں۔ حروف کے انڈوں میں سے الفاظ کے ہزاروں ”ٹیڈ پول“ (Tadpoles) جنم لیتے ہیں لیکن ان ہزاروں میں سے چند سو ہی بلاگ کے کنارے پہنچ کر تحریر کی شکل میں جوان ہوتے ہیں۔[مکمل تحریر پڑھیں]

ٹیگ اٹیک

4

محترمی و مکرمی جناب شعیب صفدر صاحب نے ہمیں بھی اردو بلاگران کی ”ٹیگ زدگیوں“ میں شامل کر ہی لیا۔اس کے لئے میں ممنون ہوں کہ انہوں نے یاد رکھا۔ ٹیگ کرنے کا یہ کھیل دلچسپ ہونے کے ساتھ ساتھ ایک رابطے کی صورت بھی بنا دیتا ہے۔ ہر بلاگ پہ دوسرے بلاگوں کے لنکس ملتے ہیں جو ایک کمیونٹی ہونے کا احساس دیتے ہیں۔ خیر۔۔ جوابات کا سلسلہ شروع کرتے ہیں: [مکمل تحریر پڑھیں]